“Турнiр рыцараў”
Роднае слова з’яўляецца адным з самых вялікіх здабыткаў кожнага народа. Яно – люстэрка культуры і форма яе існавання, духоўнае аблічча і сутнасць чалавека.
Вучні групы падоўжанага дня ДУА “Сярэдняя школа № 34 г. Магілёва” прынялі ўдзел у святочным мерапрыемстве “Турнiр рыцараў”, якое праходзіла ў рамках тыдня беларускай мовы і літаратуры, у тым ліку і адзінага дня роднай мовы. Дзеці набылі карысныя веды пра гісторыю і культуру беларускай шляхты, узбагацілі слоўнікавы запас, прымаючы удзел у разнастайных конкурсах і гульнях. Мерапрыемства прайшло цікава і займальна. Дзеці атрымалі не толькі цікавыя звесткі, а таксама асалоду і задавальненне.
Дзень роднай мовы — гэта нагода яшчэ раз пачуць мілагучнасць, ласкавасць і пяшчоту роднага слова.
 |
 |