“Беларуская хатка”
Да Міжнароднага дня роднай мовы навучэнцы беларускамоўных 1 “Г” і 3 “Г” класаў наведалі музей “Беларуская хатка”.
Экспазіцыя музея ўяўляе сабой інтэр'ер беларускага сялянскага дома. Тут размешчаны розныя прадметы побыту і прылады працы беларускіх сялян, узоры ткацтва і вышыўкі, ганчарныя вырабы. Экспанаты даюць магчымасць убачыць вясковую хату канца 19 – пачатку 20 стагоддзя, каб пазнаёміцца з культурай і побытам беларусаў.
Навучэнцы ў гулянявой форме дакрануліся да нашай спадчыны: паспрабавалі з дапамогай ухвату паставіць чыгунок у печ, разабраліся з тым, што такое "чырвоны кут" (покуць), прынялі ўдзел у абрадзе “Заручаны”, удасканалілі веды пра віды вышываных рушнікоў і значэнне арнаменту і сімвалаў на іх, пазнаёміліся з першымі відамі прасаў, гулялі ў гульню “Хто хутчэй наматае”, адгадвалі загадкі, разгадвалі крыжаванку аб прадметах побыту, з якімі пазнаёміся.
Экскурсія спрыяла паглыбленню ведаў дзяцей аб гісторыі і культуры нашай спадчына, выхаванню любові да роднай краіны, яе мінулага і сучаснага. Дзеці з вялікім задавальненнем слухалі, гулялі, выконвалі заданні.
 |
 |
 |
 |