Беларускамоўныя классы
Беларускамоўныя классы ў дзяржаўнай установе адукацыі
«Сярэдняя школа № 34 г.Магілёва»
У 2019/2020 навучальным годзе працягваюць работу другі і чацвёрты класы з беларускай мовай навучання. У 2 “Г” класе займаюцца восем навучэнцаў: чатыры дзяўчынкі і чатыры хлопчыкі. Вучні сябруюць паміж сабой, вучацца размаўляць і разважаць па-беларуску, упэўнена ўзнімаюцца па прыступках ведаў. Разам наведваюць факультатыўныя заняткі «Вытокі роднай мовы», з задавальненнем займаюцца ў тэатральным гуртку. Другакласнікам ёсць з каго браць прыклад- з вучняў IV беларускамоўнага класа, у якім займаюцца пяць дзяўчынак і адзін хлопчык. Усе вучацца паспяхова, а галоўнае – з радасцю і цікавасцю. Разам з вучнямі чацвертага беларускамоўнага класа другакласнікі ўдзельнічаюць у пазакласных мерапрыемствах, наведваюць музеі і выставы горада. Яны заўсёды ў цэнтры ўвагі на ўсіх пазакласных і пазашкольных мерапрыемствах.
Вялікая цікавасць да вывучэння беларускай мовы, атрымання ведаў і засваення новых спосабаў дзеяння, жаданне вучыцца робяць вучняў шчаслівымі і жыццярадаснымі.
Спадзяюся, што колькасць жадаючых вывучаць беларускую мову больш дасканала штогод будзе павялічвацца.
У 2020/2021 навучальным годзе ў нашай установе адукацыі працягнуць працаваць III і V класы з беларускай мовай навучання, плануецца адкрыццё першага класа з беларускай мовай навучання (пры наяўнасці заяў законных прадстаўнікоў). Сардэчна запрашаем!
Па пытаннях навучання дзяцей у класах з беларускай мовай навучання
(I , III і V класы) звяртацца па тэлефонах: 24-50-15, 24-52-48.
Марушэнка С.І.,
намеснік дырэктара па вучэбнай рабоце
дзяржаўнай установы адукацыі
«Сярэдняя школа № 34 г. Магілёва»
 |
 |
 |
 |